Hagnýt ráð fyrir íbúa

Dagleg umgengni og venjur hafa mikil áhrif á endingu og ástand íbúðarhúsnæðis. Hér að neðan má finna nokkur góð ráð sem eiga það sammerkt að stuðla að

Hagnýt ráð fyrir íbúa

Dagleg umgengni og venjur hafa mikil áhrif á endingu og ástand íbúðarhúsnæðis. Hér að neðan má finna nokkur góð ráð sem eiga það sammerkt að stuðla að bættri endingu á íbúðinni þinni.

Baðherbergi
Þegar ekki er gluggi er útsog á baðherbergjum og í þvottahúsum. Ekki má  tengja barka frá þurrkara beint við útsogog loka fyrir útloftun á rýminu. Lokið aldrei fyrir loftræstilögn.  Loftræstið vel eftir böð.  Forðist, ef mögulegt er, að þurrka þvott innanhúss. Niðurföll á baðgólfi og þvottahúsgólfi eru gegnum-streymisniðurföll og safnast óhreinindi í þau.  Taka þarf upp rist og hreinsa þau reglulega.
 
Ofnlokar
Á ofnum eru hita- og rennslislokar.  Til að halda heitavatnsnotkun í lágmarki verður að gæta þess að þeir verði ekki fyrir hnjaski.  Gott er að hreyfa við þeim öðru hvoru til að þeir festist ekki, t.d. að skrúfa frá og fyrir nokkrum sinnum, á u.þ.b. 3ja mánaða fresti.
 
Neysluvatn
Hreinsa verður sigti blöndunartækja eða skipta um þau þegar rennsli minnkar frá þeim.  Hægt er að loka fyrir allt neysluvatn í íbúðunum.  Undir eldhúsvösk-um, handlaugum og við hlið salerna eru tengikranar og í skolvatnsblöndunar-tækjum eru kúlulokur sem lokað er með skrúfjárni.
 
Ofnar hiti raki hitanemi og fl.
Raki innanhúss  Birgið ekki ofna með húsgögnum, þvotti eða gluggatjöldum. Ofnkrani sem staðsettur er við efri brún ofnsins er svokallaður hitanemi sem stjórnast af hitastigi herbergisins, ekki má byrgja slíkan nema.
Krani sem staðsettur er við neðri brún ofns stjórnast af íbúanum sjálfum það er handvirkt.
 
Eldhús
Látið gufugleypi ganga við matargerð, skipta þarf um kol og filter u.þ.b. árlega. Hafið lok á pottum við matargerð þá myndast minni raki.  Loftræstið eftir matargerð. Helluborð, þrif skv. leiðbeiningum framleiðenda.
 
Gólfdúkar
Mikilvægt er að gólfdúkum sé haldið við.  Gott er að rykmoppa dúka með þurri moppu sem oftast og bón er besta vörnin.  Best er að þvo dúkana upp úr ylvolgu eða köldu vatni.  Aldrei nota heitt vatn það eyðir bóninu og dúkurinn verður fljótlega ljótur.  Nota skal sápu með hlutlausu ph-gildi og hafa klútinn rakan ekki blautan.  Þegar bónleysir er notaður þarf að fara vel eftir leiðbeiningunum á umbúðunum.
 
Flísar
Gæta skal þess að ekki myndist kísilútfellingar á veggflísum og hreinlætis-tækjum, vegna heita vatnsins, til að tryggja að áferð flísanna haldist. Gott er að sprauta köldu vatni á flísarnar í kringum sturtuna eftir notkun.
 
Innréttingar
Ekki má þrífa spónlagðar hurðir og borð með salmíaki, t.d. í eldhússinnrétt-ingu, bólur geta myndast á fletinum.  Best er að nota milda sápu svo sem brúnsápu.
 
Rúður - hurðir - skrár
Varasamt er að byrgja glugga alveg að innanverðu, hvort sem er með pappír, plasti eða öðru, þar sem rúðurnar geta sprungið.  Myndist þéttiraki innan á rúður er mikilvægt að lofta út og þurrka það vatn sem sest í gluggann svo það valdi ekki skemmdum á honum. Af sömu ástæðu er mikilvægt að draga frá gluggum á daginn.
Smyrja verður glugga, útihurðar- og svalahurðarskrá einu sinni á ári með þunnri olíu.
 
Snjóbræðsla
Ef snjóbræðsla er í tröppum eða stígum í kring um húsið er mikilvægt að íbúar  fylgist vel með hita og rennsli í henni til að fyrirbyggja að hún valdi ekki tjóni.  Góð regla er að láta yfirfara snjóbræðsluna á hverju hausti.
 

Búseti

Síðumúla 10 | 108 Reykjavík
Sími: 520 5788 | Myndsendir: 533 5749
Netfang: buseti [hja] buseti.is
Opnunartími: 10:00 - 16:00

Við tryggjum hjá

Skráðu þig á póstlistann hér