Eldvarnir og öryggi

Eldvarnir og öryggi Búseti hefur í samvinnu við Eldvarnabandalagið hvatt íbúa til að fara yfir eldvarnir á heimilum sínum og gera úrbætur eftir þörfum.

Fréttir

Eldvarnir og öryggi

Búseti hefur í samvinnu við Eldvarnabandalagið hvatt íbúa til að fara yfir eldvarnir á heimilum sínum og gera úrbætur eftir þörfum. Með sameiginlegu bréfi Búseta og Eldvarnabandalagsins til íbúa fylgir handbók um eldvarnir heimilisins og rafhlaða sem passar í flestar gerðir reykskynjara.

Búseti býður uppá tæplega 1.000 íbúðir á höfuðborgarsvæðinu og Akranesi. Þar af heyra um 200 íbúðir undir Leigufélag Búseta. Ljóst er að íbúðum á vegum félagsins mun fjölga á næstu misserum. Í bréfinu til íbúa er minnt á mikilvægi reykskynjara, slökkvitækja og eldvarnateppa. Vanti slíkan búnað á heimili viðkomandi býður Búseti hann á góðum kjörum með heimsendingu og uppsetningu án endurgjalds. Sjá verðlista hér: http://www.buseti.is/is/ibuavefur/verdskra

Bjarni Þór Þórólfsson, framkvæmdastjóri Búseta, segir félagið líta á það sem hluta af  samfélagslegri ábyrgð sinni að tryggja nauðsynlegar eldvarnir í íbúðum félagsins og þar með öryggi íbúanna.

Við reynum eftir fremsta megni að tryggja eldvarnir í íbúðum félagsins með því að koma fyrir reykskynjurum, slökkvitæki og eldvarnateppi og yfirfara búnaðinn við íbúaskipti, segir Bjarni.

Í bréfinu er minnt á að virkir reykskynjarar og slökkvibúnaður tryggja nauðsynlega viðvörun og fyrstu viðbrögð við eldsvoða. Íbúar eru jafnframt beðnir að hafa hugfast að með réttri umgengni og eðlilegri varúð má koma í veg fyrir eða draga verulega úr hættu á að eldur komi upp. Það er ekki síður mikilvægt, segir í bréfi Búseta og Eldvarnabandalagsins.

 Eldvarnarbúnaður 

Slökkvitæki, eldvarnarteppi og reykskynjari með uppsetningu kr.  12.000  
6 lítra léttvatnslökkvitæki með uppsetningu kr.  7.000   
Reykskynjari með rafhlöðu með uppsetningu kr.  2.000   
Eldvarnarteppi með uppsetningu kr.  3.000   
Rafhlaða í reykskynjara kr.  300   

 

Til að panta þjónustu og tæki þarf að senda tölvupóst á vidhald@buseti.is
Íbúi kvittar fyrir móttöku og fær sendan reikning í heimabanka án seðils.



Búseti

Síðumúla 10 | 108 Reykjavík
Sími: 556 1000 
Netfang: buseti [hja] buseti.is
Opnunartími: 10:00 - 16:00

Við tryggjum hjá

Skráðu þig á póstlistann hér