Lánamöguleikar

Viðskiptabanki Búseta er Landsbankinn. Hjá bankanum bjóðast sérkjör fyrir félagsmenn þegar fjárfest er í búseturétti.

Upplýsingar um lán

  • Útibú Landsbankans í Borgartúni 33 sér um allt sem viðkemur lánveitingunni. Sími þar er 410 4000.
  • Tengiliðir eru Björk Pálsdóttir, Sigrún Guðbrandsdóttir, Karen Kristine Pye, Ósk L. Heimisdóttir, Rúnar T. Reynisson og Þórný Jóhannsdóttir.
  • Lánið er háð lánareglum Landsbankans og er veitt að undangengnu greiðslumati bankans.
  • Lánið getur verið allt að 50% af búseturétti, hámarksupphæð láns er tilgreind í auglýsingu.
  • Lánstími er allt að 10 ár og miðað er við jafnar greiðslur eða jafnar afborganir.
  • Lánið er með breytilegum vöxtum samkvæmt kjörvaxtaflokki 0 (kjörvextir án álags) samkvæmt vaxtatöflu Landsbankans á hverjum tíma sem aðgengileg er á www.landsbankinn.is. Vextir frá 1. sept. 2021 er 2,70% verðtryggðir og 5,0% óverðtryggðir.
  • Lántökugjald er 1,7%, ekkert stimpilgjald og umsýslugjald kr. 5.000.-, ekki er lánað fyrir þeim kostnaði.
  • Hægt er að borga inn á lánið og greiða það upp hvenær sem er án uppgreiðslugjalds.
  • Möguleiki er á því að færa lánið á milli búseturétta en það er alltaf gert upp við flutning úr kerfinu.
  • Farið er fram á greiðslumat lántakanda og Búseti áskilur sér rétt á að athuga lánshæfi viðkomandi með tilliti til greiðsluhæfi og sögu.
  • Kostnaður vegna greiðslumats er kr. 5.500.-
  • Skrifstofan sendir bankanum upplýsingar um úthlutun þína en þú sækir svo sjálf/ur um greiðslumatið á heimasíðu bankans.
  • Fyrsti gjalddagi er samkomulagsatriði við bankann.
  • Lánareiknivél Landsbankans.

Rafrænt greiðslumat

Eftirfarandi gögnum þarf að skila inn til bankans ef ekki er gert rafrænt greiðslumat

  • Ef þú ert ekki með rafræn skilríki þarftu að fá þér slík skilríki eða skila inn neðangreindum gögnum ásamt undirritun á skuldbindingayfirlit:
  • Skattskýrsla síðasta árs staðfest af skattayfirvöldum eða löggildum endurskoðanda.
  • Síðasta álagningarseðil skattstjóra.
  • Útprentun frá innheimtumanni Ríkissjóðs um skuldastöðu, fæst hjá Tollstjóranum í Reykjavík og sýslumönnum.
  • Staðgreiðslurskrá og launaseðlar/lífeyrisbætur síðustu 6 mánaða.
  • Afrit af greiðsluseðlum allra lána s.s. skuldabréfa, bílalána, og LÍN.
  • Yfirlit yfir aðrar skuldir svo sem raðgreiðslur, fjölgreiðslur og yfirdráttarheimildir.
  • Undirrituð beiðni um lánayfirlit (bankinn útvegar).