Stjórn og stjórnarhættir

Markmið Búseta er að byggja, reka og viðhalda íbúðarhúsnæði til langs tíma í þágu félagsmanna

Góðir stjórnarhættir

Góðir stjórnarhættir leggja grunninn að ábyrgri stjórnun og ákvarðanatöku með ofangreint markmið að leiðarljósi. Stjórn og framkvæmdastjóri Búseta leggja áherslu á góða stjórnarhætti og meta reglulega stjórnarhætti sína með tilliti til viðurkenndra leiðbeininga þar um.

Framkvæmdastjóri Búseta

Bjarni Þór Þórólfsson hóf störf sem framkvæmdastjóri Búseta árið 2017. Hann hefur á liðnum árum starfað sem stjórnandi á sviði fjármálamarkaða, hugbúnaðargeira og fasteignageira. Bjarni lauk M.Sc. gráðu frá Viðskiptaháskólanum í Kaupmannahöfn og B.Sc. gráðu frá Ríkisháskólanum í Kaliforníu og hefur stundað kennslu á háskólastigi. Hann er í stjórn NBO (Housing Nordic) samtaka norrænna húsnæðisfélaga og í stjórn Grænni byggðar. Bjarni hefur lokið löggildingu sem leigumiðlari.

Stjórn

Finnur Sigurðsson

Stjórnarmaður

Finnur lauk verslunarprófi frá Verslunarskóla Íslands árið 1990. Hann hefur starfað á fyrirtækjasviði Origo frá árinu 2002 og býr að mikilli þekkingu á sviði upplýsingatækni. Finnur er félagsmaður í Búseta.

Helga Egla Björnsdóttir

Stjórnarmaður

Helga er deildarstjóri innan tekjustýringar á sölu- og markaðssviði hjá Icelandair. Hún er með B.A. gráðu í frönsku frá Háskóla Íslands og alþjóðlegt IATA/UFTAA próf. Helga er búseturéttarhafi.

Jónína Lárusdóttir

Stjórnarmaður

Jónína er leikskólastjóri með reynslu í rekstri og mannauðsstjórnun. Jónína er með leikskólakennarapróf frá Háskólanum í Uppsölum, Magister Education frá Kennaraháskóla Íslands og MBA frá Háskóla Íslands. Jónína er búseturéttarhafi.

Jón Ögmundsson

Stjórnarformaður

Jón er hæstaréttarlögmaður og meðeigandi Altus lögmanna slf. Hann er með próf í lögfræði frá HÍ og Háskólanum í Miami (UM). Jón er með lögmannsréttindi í Flórídaríki í Bandaríkjunum ásamt löggildingu sem fasteigna- fyrirtækja- og skipasali. Hann hefur mikla reynslu af lögmannsstörfum innanlands sem utan og málum tengdum fasteignum. Jón er félagsmaður í Búseta.

Valur Þórarinsson

Stjórnarmaður

Valur er kennari frá Kennaraskóla Íslands. Starfsvettvangur hans hefur fyrst og fremst tengst verkefnum í opinberri stjórnsýslu auk ráðgjafarstarfa hjá hugbúnaðarfyrirtækjum sem sinna þeim geira. Valur er félagsmaður í Búseta og búseturéttarhafi.

Gunnlaugur Magnússon

Varamaður í stjórn

Gunnlaugur rekur bókhaldsþjónustu. Hann er félagsmaður og maki búseturéttarhafa.

Hildur Mósesdóttir

Varamaður í stjórn

Hildur er viðurkenndur bókari og starfar hjá Nýsköpunarmiðstöð Íslands. Hildur er félagsmaður í Búseta.