Upplýsingar um lán
- Við kaup á búseturétti er hægt að fá lán fyrir allt að 50% af kaupverði búseturéttar.
- Útibú Landsbankans í Borgartúni 33 sér um allt sem viðkemur lánveitingunni. Sími Landsbankans er 410 4000.
- Tengiliðir eru Björk Pálsdóttir, Ósk L. Heimisdóttir, Vigdís Gunnarsdóttir, Aníta R. Árnadóttir, Sara A. Birgisdóttir, Sandra J. Matthíasdóttir, Ragnhildur N. Albertsdóttir, Haukur Sveinsson og Þórný Jóhannsdóttir.
- Lánið er flokkað sem fasteignalán og er háð lánareglum Landsbankans.
- Skilyrði fyrir lántöku er að félagsmaður standist greiðslumat Landsbankans og sé í skilum við Búseta.
Lánskjör og kostnaður
- Lánstími er allt að 12 ár og miðað er við jafnar greiðslur eða jafnar afborganir.
- Lánið er óverðtryggt með breytilegum K0-vöxtum samkvæmt gildandi vaxtatöflu Landsbankans fyrstu 12 mánuði lánstímans. Að þeim tíma liðnum miðast vextir við stýrivexti að viðbættu föstu álagi samkvæmt gildandi kjörum.
- Sé lán tekið til 12 mánaða eða skemur ber það breytilega K0-vexti samkvæmt gildandi vaxtatöflu Landsbankans.
- Upplýsingar um gildandi vexti og vaxtakjör má finna í vaxtatöflu Landsbankans.
- Hægt er að greiða inn á lánið eða greiða það upp hvenær sem er án uppgreiðslugjalds.
- Mögulegt er að færa lánið á milli búseturétta en það er ávallt gert upp við flutning úr Búsetakerfinu.
- Upplýsingar um lántökugjald, greiðsluseðla og annan kostnað má finna í gildandi verðskrá Landsbankans.
- Fyrsti gjalddagi er ákveðinn í samráði við bankann.
Greiðslumat og umsókn
- Lántaki þarf að standast greiðslumat Landsbankans. Búseti áskilur sér jafnframt rétt til að kanna lánshæfi með tilliti til greiðsluhæfis og greiðslusögu.
- Upplýsingar um kostnað vegna greiðslumats má finna í gildandi verðskrá Landsbankans.
- Skrifstofa Búseta sendir bankanum upplýsingar um úthlutun. Lántaki sækir síðan sjálfur um greiðslumat á vef Landsbankans.
- Best er að gera greiðslumatið rafrænt og velja „almennt lán“ þegar ferlið er hafið.
- Sá sem fékk íbúðinni úthlutað þarf að hefja greiðslumatið. Maki eða sambúðaraðili er eftir atvikum skuldari nr. 2 á láninu.
- Lánareiknivél Landsbankans
Eftirfarandi gögnum þarf að skila inn til bankans ef ekki er gert rafrænt greiðslumat
Ef þú ert ekki með rafræn skilríki þarftu að fá þér slík skilríki eða skila inn neðangreindum gögnum ásamt undirritun á skuldbindingayfirlit:
- Skattskýrsla síðasta árs staðfest af skattayfirvöldum eða löggildum endurskoðanda
- Síðasta álagningarseðil skattstjóra
- Útprentun frá innheimtumanni Ríkissjóðs um skuldastöðu, fæst hjá Tollstjóranum í Reykjavík og sýslumönnum
- Staðgreiðslurskrá og launaseðlar/lífeyrisbætur síðustu 6 mánaða
- Afrit af greiðsluseðlum allra lána s.s. skuldabréfa, bílalána, og LÍN
- Yfirlit yfir aðrar skuldir svo sem raðgreiðslur, fjölgreiðslur og yfirdráttarheimildir
- Undirrituð beiðni um lánayfirlit (bankinn útvegar)